February 2014 ~ ghazal sms

Monday, 24 February 2014

Translation of: Hum Dekhain Gay

Hum Dekhain Gay
We shall see
Lazim Hai ke hum Bhi Dekhain Gay
certainly we, too, will see/ We shall see

Woh Din ke Jis ka Wadah Hai
that day that has been promised us
Jo Loh-e-Azl pe Likha hai
Which is written with God’s ink
Hum Dekhain Gay
We shall see

Jab Zulm-o-Sitam ke Koh-e-garaan
When the mountains of cruelty and torture
Ruii ki Tarah Urd Jain Gay
Will fly like pieces of cotton

Hum Mehkumoon ke Paun Talay
Under the feet of the governed
Yeh Dharti Dhard Dhard Dhardkay gi
this earth shiver, shake and beat

Aur Ehl-e-Hukum ke Sar Uper
And over the head of the ruler
Jab Bijli kard Kard Kardke gi
When lightening will thunder
Hum Dekhain Gayfaiz2
We shall see

Jab Arz-e-Khuda ke kabay se
When from this God’s earth’s (Kaa’ba)
Sab but Uthwaaiy Jain gay
All the idols will be removed

Hum Ehl-e-Safa Mardood-e-Haram
Then we, of clean hearts–condemned by
zealots those keepers of faith
Masnad pe Bithaaiy jain gay
We, will be invited to that altar to sit and Govern

Sab Taaj Uchalay jain gay
When crowns will be thrown off
Sab Takht Giraaiy Jain gay
and over turned will be thrones

Bas Naam rahay Ga Allah ka
Then only God’s name will remain
Jo Ghayab Bhi hai Hazir Bhifaiz3
Who is invisible and visible too
Jo nazir bhi hai manzar bhi
Who is the seer and and is seen

Uthay ga Analhaq ka Naara
When the anthem of truth will be raised
Jo Main bhi Hun aur Tumbhi ho
Who I am too, And so are you

Aur Raaj karay gi khalq-e-Khuda
And the people of God will rule
Jo main bhi hun aur tum bhi ho
Who I am too, And so are you

Hum Dekhain Gay
We shall see
Lazim Hai ke hum Bhi Dekhain Gay
certainly we, too, will see/ We shall see
Hum Dekhain Gay
We shall see

Translation of: Nisaar me teri galion k aey watan k jahan!!

09:08 best poetry, critism poetry, Faiz Ahmad Faiz, MIX, patriotism poetry, sad poetry, sms, sms ghazals, sms poetry No comments

My salutations to thy sacred streets, O beloved nation!
Where a tradition has been invented- that none shall walk with his head held high
If at all one takes a walk, a pilgrimage
One must walk, eyes lowered, the body crouched in fear

The heart in a tumultuous wrench at the sight
Of stones and bricks locked away and mongrels breathing free

In this tyranny that has many an excuse to perpetuate itself
Those crazy few that have nothing but thy name on their lips
Facing those power crazed that both prosecute and judge, wonder
To whom does one turn for defence, from whom does one expect justice?

But those whose fate it is to live through these times
Spend their days in thy mournful memories

When hope begins to dim, my heart has often conjured
Your forehead sprinkled with stars
And when my chains have glittered
I have imagined that dawn must have burst upon thy face

Thus one lives in the memories of thy dawns and dusks
Imprisoned in the shadows of the high prison walls

Thus always has the world grappled with tyranny
Neither their rituals nor our rebellion is new
Thus have we always grown flowers in fire
Neither their defeat, nor our final victory, is new!

Thus we do not blame the heavens
Nor let bitterness seed in our hearts

We are separated today, but one day shall be re- united
This separation that will not last beyond tonight, bears lightly on us
Today the power of our exalted rivals may touch the zenith
But these four days of omniscience too shall pass

Those that love thee keep, beside them
The cure of the pains of a million heart- breaks

translation of: Raat yun dil mein teri khoyi hui yaad aayi

09:06 best poetry, English poetry, Faiz Ahmad Faiz, MIX, sad poetry, sms, sms ghazals, sms poetry 1 comment

At night my lost memory of you returned

and I was like the empty field where springtime,
without being noticed, is bringing flowers;

I was like the desert over which
the breeze moves gently, with great care;

I was like the dying patient
who, for no reason, smiles.

Raat yun dil mein teri, khoyi hui yaad aayi

09:05 best poetry, Faiz Ahmad Faiz, MIX, sad poetry, sms, sms ghazals, sms poetry 2 comments

Raat yun dil mein teri, khoyi hui yaad aayi
Jaise viraane mein chupke se bahaar aa jaye
Jaise sahraon mein haule se chale baad-ae-naseem
Jaise bimaar ko be-wajaah quraar aa jaaye

Dil Na-Ummeed To Nahi, Na-Kaam Hi To Hai

09:04 best poetry, critism poetry, Faiz Ahmad Faiz, MIX, sad poetry, sms, sms ghazals, sms poetry No comments

Dil Na-Ummeed To Nahi, Na-Kaam Hi To Hai
Lambi Hai Gham Ki Shaam, Magar Shaam Hi To Hai'

Faiz Ahmed Faiz on eve of Bangladesh Independence

09:03 best poetry, critism poetry, English poetry, Faiz Ahmad Faiz, MIX, patriotism poetry, sad poetry, sms, sms ghazals, sms poetry No comments

Faiz Ahmed Faiz on eve of Bangladesh Independence
(23 March 1971)

I couldn't describe the predicament
Nor could I console my heart
The same promise that remains unfulfilled
The same claims that are yet to be proven
The same moths that couldn't complete their sacrifice
The same candles that didn't meet the night
The same yearning for the taste of wine
The same gathering that didn't become a tavern
The same anxious eyes, waiting to see you
The same lonliness on a lovers night
The same ending to this divine chapter
The same incompleteness of our hyms
Faiz, every day has been like the end of the world
But the day of judgement has still not arrived

Apney saarey dard bhula kar auron ke dukh sehta tha

09:02 best poetry, Habib jalib, MIX, Qateel shifai, sad poetry, sms, sms ghazals, sms poetry No comments

Apney saarey dard bhula kar auron ke dukh sehta tha
Hum jub ghazlain kehtey thay wo aksar jail main rehta tha
Aakhir kaar chala hee gya wo rooth kar hum farzanoun se
Wo deewana jisko zamana Jalib Jalib kehta tha
(Qateel Shifai)

The light which shines only in palaces

09:01 best poetry, English poetry, Habib jalib, MIX, romantic poetry, sad poetry, sms, sms ghazals, sms poetry No comments

The light which shines only in palaces
Burns up the joy of the people in the shadows
Derives its strength from others’ weakness
That kind of system,
like dawn without light
I refuse to acknowledge,
I refuse to accept

I am not afraid of execution,
Tell the world that I am the martyr
How can you frighten me with prison walls?
This overhanging doom,
this night of ignorance,
I refuse to acknowledge,
I refuse to accept

“Flowers are budding on branches”, that’s what you say,
“Every cup overflows”, that’s what you say,
“Wounds are healing themselves”, that’s what you say,
These bare-faces lies,
this insult to the intelligence,
I refuse to acknowledge,
I refuse to accept

For centuries you have all stolen our peace of mind
But your power over us is coming to an end
Why do you pretend you can cure pain?
Even if some claim that you’ve healed them,
I refuse to acknowledge,
I refuse to accept.

Rabba sacheya tu tey aakhia si

08:58 best poetry, Faiz Ahmad Faiz, MIX, punjabi poetry, romantic poetry, sad poetry, sms, sms ghazals, sms poetry, urdu poetry No comments

ربا سچیا تُوں تے آکھیا سی
جا اوئے بندیا جگ دا شاہ ایں توں
ساہڈیاں نعمتاں تیریاں دولتاں نیں
ساہڈا نیب تے عالی جاہ ایں توں

ایس لارے تے ٹور کد پُچھیا ای
کیہہ ایس نمانے تے بیتیاں نیں
کدی سار وی لئی اُو رب سائیاں
تیرے شاہ نال جگ کیہہ کیتیاں نیں
کِتے دھونس دھتکار سرکار دی اے
کِتے دھاندلی مال پٹوار دی اے
اینویں وِچہ ہڈاں کلپے جان میری
جیویں پھاہی وِچہ کُونج کُرلاوندی اے
چنگا شاہ بنایا ای رب سائیاں
پولے کھاندیاں وار نئیں آؤندی اے

مینوں شاہی نئیں چاہی دی رب میرے
میں تےعزتاں دا ٹکّر منگناں واں
مینوں تاہنگ نئیں محلاں ماڑیاں دی
میں تے جیونے دی نُکّر منگناں واں

میریاں منّیں تے تیریاں میں منّاں
تیری سونہہ جے اِک وی گل موڑاں
جے ایہہ منگ نئیں پُجدی تَیں ربّا
فیر میں جاواں تے رب کوئی ہور لوڑاں

Tujh ko kitnon ka Lahu chahye ae Arz e Watan

08:52 best poetry, critism poetry, Faiz Ahmad Faiz, MIX, patriotism poetry, sms, sms ghazals, sms poetry No comments

Tujh ko kitnon ka Lahu chahye ae Arz e Watan
Kitne aansun tere sehraaon ko gulzar kereyn

chand kaliyan nashat ke chunakar

08:24 best poetry, MIX, romantic poetry, sad poetry, sahir ludhianvi, sms, sms ghazals, sms poetry No comments

chand kaliyan nashat ke chunakar
muddaton mahv-e-yas rehta hun
tera milana khushi ke baat sahi
tujhase mil kar udas rehta hun

wo subah kabhi to aayegi

08:23 best poetry, MIX, romantic poetry, sad poetry, sahir ludhianvi, sms, sms ghazals, sms poetry No comments

wo subah kabhi to aayegi
in kali sadiyon ke sar se jab raat ka aanchal dhalakega
jab dukh ke badal pighalenge jab sukh ka sagar jhalakega
jab ambar jhum ke nachega jab dharati nagme gayegi
wo subah kabhi to aayegi
jis subah ke khatir jug jug se hum sab mar mar ke jite hain
jis subah ke amrit ke dhun mein hum zeher ke pyale pite hain
in bhuki pyasi ruhon par ik din to karam faramayegi
wo subah kabhi to aayegi
mana ke abhi tere mere aramanon ke qimat kuch bhi nahi
matti ka bhi hai kuch mol magar insanon ke qimat kuch bhi nahi
insanon ke izzat jab jhuthe sikkon mein na toli jayegi
wo subah kabhi to aayegi
daulat ke liye jab aurat ke ismat ko na becha jayega
chahat ko na kuchala jayega, izzat ko na becha jayega
apni kali karatuton par jab ye duniya sharmayegi
wo subah kabhi to aayegi
bitenge kabhi to din aakhir ye bhuk ke aur bekari ke
tutenge kabhi to but aakhir daulat ke ijaradari ke
jab ek anokhi duniya ke buniyad uthai jayegi
wo subah kabhi to aayegi
majabur budapa jab suni rahon ke dhul na phankega
masum ladakapan jab gandi galiyon mein bhik na mangega
haq mangane walon ko jis din suli na dikhai jayegi
wo subah kabhi to aayegi
faqon ke chitaon par jis din insan na jalaye jayenge
sine ke dahakate dozakh mein araman na jalaye jayenge
ye narak se bhi gandi duniya, jab swarg banai jayegi
wo subah kabhi to aayegi
jis subah ke khatir jug jug se hum sab mar mar ke jite hain
jis subah ke amrit ke dhun mein hum zeher ke pyale pite hain
wo subah na aaye aj magar, wo subah kabhi to aayegi
wo subah kabhi to aayegi

Tang aa chuke hain kash-ma-kash-e-zindagi se hum

08:22 best poetry, MIX, romantic poetry, sad poetry, sahir ludhianvi, sms, sms ghazals, sms poetry No comments

Tang aa chuke hain kash-ma-kash-e-zindagi se hum
thukra na den jahan ko kaheen bedili se hum
mayusi-e-ma’al-e-mohabbat na puchiye
apanon se pesh aaye hain beganagi se hum
lo aj hum ne tod diya rishta-e-ummid
lo ab kabhi gila na karenge kisi se hum
ubharenge ek bar abhi dil ke val-vale
go dab gaye hain bar-e-gam-e-zindagi se hum
gar zindagi mein mil gaye phir ittafaq se
puchenge apna hal teri bebasi se hum
ALLAH re fareb-e-masahiyat ke aj tak
duniya ke zulm sahate rahe khamoshi se hum
hum gam-zada hain laye kahan se khushi ke geet
denge wahi jo payenge is zindagi se hum

Tera khayal dil se mitaya nahi abhi

08:13 best poetry, critism poetry, MIX, romantic poetry, sad poetry, sahir ludhianvi, sms, sms ghazals, sms poetry No comments

Tera khayal dil se mitaya nahi abhi
bedard main ne tujh ko bhulaya nahi abhi
kal tune muskura ke jalaya tha khud jise
sine aa wo charag bujhaya nahi abhi
gardan ko aj bhi tere bahon ke yaad hai
chaukhat se teri sar ko uthaya nahi abhi
behosh hoke jald tujhe hosh aa gaya
main badanasib hosh mein aaya nahi abhi

Saza ka hal sunaye jaza ke baat karen

08:06 best poetry, critism poetry, MIX, sahir ludhianvi, sms, sms ghazals, sms poetry No comments

Saza ka hal sunaye jaza ke baat karen
khuda mila ho jinhen wo khuda ke baat karen
unhen pata bhi chalen aur wo khafa bhi na ho
is ehatiyat se kya maza ke baat karen
hamare ahad ke tahazib mein qaba hi nahi
agar qaba ho to band-e-qaba ke baat karen
har ek daur ka mazahab naya khuda lata
karen to hum bhi magar kis khuda ke baat karen
vafashiyar kai hain koi hasin bhi to ho
chalo phir aj usi bevafa ke baat karen

Ye husn tera ye ishq mera rangin to hai badnam sahi

08:05 best poetry, MIX, romantic poetry, sad poetry, sahir ludhianvi, sms, sms ghazals, sms poetry No comments

Ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi
is raat ke nikhari rangat ko
kuch aur nikhar jane de zara
nazron ko bahak jane de zara
zulfon ko bikhar jane de zara
kuch der ke hi taskin sahi
kuch der ka hi aaram sahi
jazbat ke kaliyan chunana hai
aur pyar ka tohfa dena hai
logon ke nigahen kuch bhi kahen
logon se hamen kya lena hai
ye khas ta’alluq aapas ka
duniya ke nazar mein aam sahi
rusvai ke dar se ghabara kar
hum tark-e-vafa kab karte hain
jis dil ko basa lain pehlu mein
us dil ko juda kab karte hain
jo hashr hua hai lakhon ka
apna bhi wohi anjam sahi
ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi

Nafraton ke jahan mein humko pyaar ki bastiyaan basaani hain

07:58 best poetry, MIX, romantic poetry, sad poetry, sahir ludhianvi, sms, sms ghazals, sms poetry No comments

Nafraton ke jahan mein humko pyaar ki bastiyaan basaani hain
Door rehna koi kamaal nahi, paas aao to koi baat bane

Tumse Quwwat Lekar, Main Tumko Raah Dikhaaonga
Tum Parcham Lehrana Saathi, Main Barbat par Gaoonga.

Aaj se Mere Phan ka Maksad Zanjeere Pighlana Hai
Aaj se Main Shabnam ke Badle Angaare Barsaoonga.

‘John’!! guzasht E waqt ki halat E haal par salaam

08:01 best poetry, critism poetry, MIX, romantic poetry, sad poetry, sms, sms ghazals, sms poetry No comments

‘John’!! guzasht E waqt ki halat E haal par salaam
Us ke firaaQ ko duaa!! us ke visaal par salaam

Teraa sitam bhi tha karam, tera karam bhi tha sitam
Bandagi teri teGh ko!! aur teri dhaal par salaam

Sood O zayaaN k farq ka ab nahi hum se waastaa
Subh ko arz E kornish!! shaam E malaal par salaam

Ab to nahi hai lazzat E mumkin E shauq bhi naseeb
Roz O shab zamaanaa E shauq E mahaal par salaam

Hijr E sawaal ke haiN din!! hijr E jawaab ke haiN din
Us ke jawaab par salaam!! apne sawaal par salaam

Jaane woh rang E mastii E khaab O khyaal kya hui?
Ishrat E khaab ki sana!! aish E khyaal par salaam

Apna kamaal tha ajab!! apna zawaal tha ajab!!
Apne kamaal par darood!! apne zawaal par salaam

Shauq ka rang bujh gaya, yaad ke zakhm bhar gaye

08:00 best poetry, john Alia, MIX, romantic poetry, sad poetry, sms, sms ghazals, sms poetry No comments

Shauq ka rang bujh gaya, yaad ke zakhm bhar gaye
Kya meri fasl hochuki, kya mere din guzar gaye?

Hum bhi hijab dar hijab chhup na sake, magar rahe
Woh bhi hujoom dar hujoom rah na sake, magar gaye

Rahguzar E khyal meN dosh ba dosh the jo log
Waqt ki gard O baad meN jane kahaN bikhar gaye

Sham hai kitni be tapaak, shahr hai kitna sahmnaak
Hum nafaso kahaaN ho tum, jane ye sab kidhar gaye

Aaj ki raat hai ajeeb, koi nahi mere qareeb
Aaj sab apne ghar rahe, aaj sab apne ghar gaye

Hifz E hyaat ka khyal hum ko bahut bura laga
Pas ba hujuum E ma’rekaa, jaan k be sipar gaye

MaiN to safoN k darmiyaaN, kab se paRa hun nim-jaaN
Mere tamaam jaaN-nisaar mere liye to mar gaye

Rounaq E bazm E zindagi, turfaa haiN tere log bhi
Ek to kabhi na aaye the, aaye to rooth kar gaye

Khush nafasaan E be nava, be khabaraan E khush ada
Teerah naseeb the magar shahr meN naam kar gaye

Aap meN ‘Joan Alia’ sochiye ab dharaa hai kya
Aap bhi ab sidhaariye, aap k chaara gar gaye

Kub Os Ka Visaal Chahye Tha

07:59 best poetry, john Alia, MIX, romantic poetry, sad poetry, sms, sms ghazals, sms poetry No comments

Kub Os Ka Visaal Chahye Tha ?????
Bas Ik Khayaal Chahye Tha…………..
Kub Dil Ko Jawab Se Garz Thee ???
Honton Ko Sawaal Chahye Tha…….
Ek Chehra Saada Tha Jo Ham Ko….
Be Masl-o-Misaal Chahye Tha……..
Ik Qarb Mein Zaat-o-Zindagi Hain..
Mumkin Ko Muhaal Chahye Tha…..
Mein Kia Hun Bas Ik Malaal-e-Maazi
Os Shaks Ko Haal Chahye Tha…………
Hum Tum Jo Bichar Gaye Hain Hum Ko
Kuch Din Tou Malaal Chahye Tha………!

Dil Tha Darham Aur Barham Raaigaan

07:59 best poetry, john Alia, MIX, romantic poetry, sad poetry, sms, sms ghazals, sms poetry No comments

Dil Tha Darham Aur Barham Raaigaan
Thay Tumhaari Zulf Ke Kham Raaigaan
Apni Saari Aarzooain Theen Faraib
Apnay Khwaabon Ka Tha Aalam Raaigaan
“Jhon” Shayad Kuch Nahee Kuch Bhi Nahee
Hai Dawaam Ik Weham Aur Dam Raaigaan
Zindagi Bas Raaigaani Hee Tou Hai
Mein Bohat Khush Hun Ke Thay Ham Raaigaan
Ham Rasaa Aur Naarsaa Kuch Bhee Nahee Thay
Yaani “Jhon” Aur Fahiya Kuch Bhee Na Thay

Nazar heraan, dil veeran, mera jee nahin lagta

07:58 best poetry, john Alia, MIX, romantic poetry, sad poetry, sms, sms ghazals, sms poetry No comments

Nazar heraan, dil veeran, mera jee nahin lagta,
Bichar ke tum se meri jaan, mera jee nahin lagta,
Koi bhi to nahin hai jo, pukare raah main mujh ko,
Hoon mein be-naam ik insaan, mera jee nahin lagta,
Hai aik inbwa qadmon ka rawaa’n in shahrahon per,
Nahin meri koi pehchaan, mera jee nahin lagta,
Jahan milte they hum tum aur jahan mil kar bicharte they,
Na woh dar hai, na woh dalaa’n, mera jee nahin lagta,
Hon pehchane huye chehre to jee ko aas rehti hai,
Hon chehre hijar ke anjaan, mera jee nahin lagta,
Yeh saara sheher ik dasht-e-hajoom be-niazi hai,
Yahan ka shor hai veeraan, mera jee nahin lagta,
Woh aalam hai ke jese mein koi hum’naam hoon apna,
Na hir’maan hai na woh darmaan, mera jee nahin lagta,
Kahin sar hai kahin sauda, kahin wehshat kahin sehra,
Kahin main hoon, kahin samaan, mera jee nahin lagta,
Mere hi sheher mein, mere mohahalley mein, mere ghar mein,
Bula lo tum mehmaan, mera jee nahin lagta
Main tum ko bhool jaon, bhoolne ka dukh na bhoolon ga,
Nahin hai khail yeh asaaan, mera jee nahin lagta,
Koi paimaa’n pura ho nahin sakta magar phir bhi,
Karo taaza koi paimaa’n, mera jee nahin lagta,
Kuch aesa hai ke jese mein yahan hoon aik zindgani,
Hain saare log zindaa’n baan’n, mera jee nahin lagta..

Zakham-e Umeed Bhar Gaya Kab Ka,

07:57 best poetry, john Alia, MIX, romantic poetry, sad poetry, sms, sms ghazals, sms poetry No comments

Zakham-e Umeed Bhar Gaya Kab Ka,
Qais Tou Apne Ghar Gaya Kab Ka.
Ab Tou Mu Apna Mat Dikhaao Mujhe,
Naa-siho Main Sudhar Gaya Kab Ka.
Aap Ab Poochne Ko Aaye Hain,
Dil Meri Jaan Mar Gaya Kab Ka.
Aap Ik Aur Neend Le Lijiye,
Kaafila Kooch Kar Gaya Kab Ka.
Mera Fehrist Se Nikaal Do Naam,
Main Tou Khud Se Mukar Gaya Kab Ka.

Nashaa-e-Naaz Ne Be-Haal Kia Hai Tum Ko

07:56 best poetry, john Alia, romantic poetry, sad poetry, sms, sms ghazals, sms poetry No comments

Nashaa-e-Naaz Ne Be-Haal Kia Hai Tum Ko
Apne Hee Zor Mein Kamzor Hoi Jaati Ho
Mein Koi Aag Nahee, Aach Nahee, Dhoop Nahee
Kiun Paseenay Mein Sharaabor Hoi Jaati Ho ?

Tujh se gilay karoon tujhe janaa’n manaaon main

07:53 best poetry, john Alia, MIX, romantic poetry, sad poetry, sms, sms ghazals, sms poetry No comments

Tujh se gilay karoon tujhe janaa’n manaaon main,
Ik bar apne aap mein aaon to aaon main,
Dil se sitam ki be’saro kaari hawaa ko hai,
Woh gard urraa rahi hai ke khud ko ganwaaon main,
Naadim hoon woh ke jis pe nadaamat bhi ab nahin,
Woh kaam hain ke apni judai kamaaon main,
Kyon’kar ho apne khawab ki aankhon mein wapsi,
Kis taur apne dil ke zamamon mein jaaon main,
Ik rang si kamaa’n ho khushbu sa ik teer,
Marham si ik wardaat ho aur zakham khaon main,
Shikwa sa aik dareecha ho, nasha sa ik sakoot,
Ho shaam aik sharab si aur larr’khraon main,
Phir is gali se apna guzar chahta hai dil,
Ab is gali ko kaunsi basti se laaon main..

Yeh kaafi hai ke hum dushman nahin hain

07:53 best poetry, john Alia, romantic poetry, sad poetry, sms, sms ghazals, sms poetry No comments

Yeh kaafi hai ke hum dushman nahin hain,
Wafaadari ka daava kyon karain hum..

Kaisa dil aur uske kya gham jee

07:52 best poetry, john Alia, romantic poetry, sad poetry, sms, sms ghazals, sms poetry No comments

Kaisa dil aur uske kya gham jee,
Yu’n hee baatain banaatey hain, hum jee,
Kya bhalaa aasteen aur daaman,
Kab se palkein bhi ab nahi nam jee,
Ussey ab koi baat kya kerna,
Khud se bhi baat kije kam-kam jee,
Dil jo dil kya tha, ek mehfil tha,
Ab hai darham jee aur barham jee,
Baat be-tour ho gayi shayad,
Zakhm bhi ab nahi hai, marham jee,
Haar duniya se maan le shayad,
Dil, hamaare mein ab nahi, dam jee,
Hai yeh hasrat ke zibah ho jaun,
Hai shikan is shikam ki zaalam jee,
Kaise aakhir na rang khele’n hum,
Dil lahoo ho raha hai, jaanam jee,
Hai kharaaba yeh husniya apna,
Roz majlis hai aur maatam jee,
Waqt dam bhar ka khel hai usme,
Besh az besh hai, kam az kam jee,
Hai azal se abad talak ka hisaab,
Aur bus ek pal hai peham jee,
Be-shikan ho gayi hai woh zulfein,
Is gali mein nahi rahe kham jee,
Dasht-e-dil ka ghazaal hee na raha,
Ab bhalaa kis se kijiye ram jee…

Kon is ghar ki dekh bhaal kare

07:51 best poetry, john Alia, romantic poetry, sad poetry, sms, sms ghazals, sms poetry No comments

Kon is ghar ki dekh bhaal kare,
Roz ik cheez toot jaati hai..

Yeh mujhe chain kyun nahin parrta,

07:50 best poetry, john Alia, romantic poetry, sad poetry, sms, sms ghazals, sms poetry No comments

Yeh mujhe chain kyun nahin parrta,
Aik hi shakhss tha jahan mein kya ?

The Missing Treasure Of This Sinking Vessel

11:54 best poetry, English poetry, MIX, romantic poetry, sms, sms ghazals, sms poetry No comments

The Missing Treasure Of This Sinking Vessel
On The Seafloor, Where It Would Nestle
Against The Base For Years It’d Lay
Patiently Waiting For That Special Day
When I Would Come To Claim My Prize
Hoping The Chest To My Surprise
Would Hold The Heart That I’ve Been Missing
The Talks, The Laughs, The Hugs, The Kissing
That Day Has Come And Now I’ll Find
What Lies Ahead, No Longer Behind
I’ve Searched Through Darkness, To The Deepest Sea
And Found That Chest Staring Back At Me
What Lies Inside, I Do Not Know
Unlock The Latch And Open Slow
I Peek Within, With Nerves I’m Shaking
The Prize Inside Could Stop The Aching
Cause Within The Chest That I’ve Searched For
I Found The Heart And Even More
The Talks, The Laughs, They All Were There
The Hugs, The Kisses, For Me To Share
The Most Beautiful Treasure I’ve Finally Seized
Did Not Imagine I Could Be So Pleased
I Searched So Long Through The Deep Sea Blue
I Love You Baby, My Prize Is You

Love or lust

11:53 English poetry, MIX, sms, sms ghazals, sms poetry No comments

What Is Going On
What Is Their To Do
Is This Another Joke
Or Do You Really Care
What Is Happening
What Is Going On
Is This Able To Happen
All The Love In The Air
Is This Really Love
Or Is It Another Fullfillment Of Lust
Jogging Threw My Head
Leaving Me In A Cloud Full Of Dust
Blind To Whats In Front Of Me
And To Who Is Really Their
I Need Find The Answer Thats Hidden In My Heart
Do I Really Love You Or Am I Feeling Lust

Ishq minnat kash E qaraar nahi

11:51 best poetry, critism poetry, Faiz Ahmad Faiz, romantic poetry, sad poetry, sms, sms ghazals, sms poetry No comments

Ishq minnat kash E qaraar nahi
Husn majboor E intezaar nahi

Teri ranjish ki intehaa maloom
HasratoN ka miri shumaar nahi

Apni nazreN bikher de saaqee
Mai ba-andaazaa E khumaar nahi

Zer E lab hai abhi tabassum E dost
Muntashir jalwa E bahaar nahi

Apni takmeel kar raha hun maiN
Warna tujh se to mujh ko pyar nahi

Charaa E intezaar kaun kare
Teri nafrat bhi ustawaar nahi

‘Faiz’ zinda raheN wo haiN to sahi
Kya huaa gar wafa shu’aar nahi

Hum parvarish E lauh O Qalam karte raheNge

11:51 best poetry, critism poetry, Faiz Ahmad Faiz, MIX, romantic poetry, sad poetry, sms, sms ghazals, sms poetry No comments

Hum parvarish E lauh O Qalam karte raheNge
Jo dil pe guzarti hai raQam karte raheNge

Asbaab E Gham E ishq baaham karte raheNge
Veerani E dauraaN pe karam karte raheNge

HaaN talkhi E aiyyaam abhi aur baRhegi
HaaN ahl E sitam mashq E sitam karte raheNge

Manzoor ye talkhi ye sitam hum ko gavaara
Dam hai to madaava E alam karte raheNge

Maikhaana salaamat hai to hum surkhi E mai se
Taz’een E dar O baam E haram karte raheNge

Baaqi hai lahu dil meN to har ashk se paidaa
Rang E lab O rukhsaar E sanam karte raheNge

Ek tarz E taGhaaful hai so wo un ko mubaarak
Ek arz E tamanna hai so hum karte raheNge

Aayey kuchh abr, kuchh sharaab aayey

11:49 best poetry, Faiz Ahmad Faiz, MIX, romantic poetry, sad poetry, sms, sms ghazals, sms poetry No comments

Aayey kuchh abr, kuchh sharaab aayey
Us k baad aayey jo azaab aayey

Baam-e-meena se maahtaab utray
Dast-e-saaqi meiN aaftaab aayey

Har rag-e-jaaN meiN phir chiraaGhaaN ho
Saamney phir wo baynaqaab aayey

Kar raha tha Gham-e-jahaaN ka hisaab
Aaj tum yaad bayhisaab aayey

Jal uThay bazm-e-Ghair k darbaaN
Jab bhi ham KhaanumaaN Kharaab aayey

Faiz thi raah sar basar manzil
Ham jahaaN pahuNchey kaamyaab aayey

Sach hain hamin ko aap ke shikave baja na the

11:48 best poetry, Faiz Ahmad Faiz, MIX, romantic poetry, sad poetry, sms, sms ghazals, sms poetry No comments

Sach hain hamin ko aap ke shikave baja na the
beshak sitam janab ke sab dostana the
han jo jafa bhi aap ne ke qayede se ke
han hum hi karaband-e-usul-e-vafa na the
aaye to yun to ke jaise hamesha ke meharaban
bhule to yun ke goya kabhi aashana na the
kyon dad-e-gam hum ne talab ki, bura kiya
hum se jahan mein kushta-e-gam aur kya na the
gar fikr-e-zakhm ke to khatavar hain ke hum
kyon mahv-e-madh-e-khubi-e-teg-e-ada na the
har charagar ko charagari se gurez tha
warna hamen jo dukh the bahut ladava na the
lab par hai talkhi-e-may-e-ayyam warna “faiz”
hum talkhi-e-kalam par mail zara na the

Tere gham ko jan ke talash thi tere jan-nisar chale gaye

11:40 best poetry, critism poetry, Faiz Ahmad Faiz, MIX, romantic poetry, sad poetry, sms, sms ghazals, sms poetry No comments

Tere gham ko jan ke talash thi tere jan-nisar chale gaye
teri rah mein karte the sar talab sar-e-rah-guzar chale gaye
teri kaj-adai se haar ke shab-e-intazar chali gai
mere zabt-e-hal se ruth kar mere gam-gusar chale gaye
na saval-e-vasl na arz-e-gam na hikayaten na shikayaten
tere ahad mein dil-e-zar ke sabhi ikhtiyar chale gaye
ye hamin the jin ke libas par sr-e-rah siyahi likhi gai
yahi daag the jo saja ke hum sar-e-bazm-eyar chale gaye
na raha junun-e-rukh-e-vafa ye rasan ye dar karoge kya
jinhen jurm-e-ishq pe naz tha wo gunahagar chale gaye

Tum jo pal ko thahar jao to ye lamhen bhi

11:33 best poetry, Faiz Ahmad Faiz, MIX, romantic poetry, sad poetry, sms, sms ghazals, sms poetry No comments

Tum jo pal ko thahar jao to ye lamhen bhi
aanevale lamhon ke amanat ban jayen
tum jo thahar jao to ye rat, mahatab
ye sabza, ye gulab aur hum donon ke khwab
sab ke sab aise mubaham hon ki haqiqat ho jayen
tum thahar jao ki unavan ke tafasir ho tum
tum se talkhi-e-auqat ka mausam badle
raat to kya badalegi, halat to kya badlenge
tum jo thahar jao to meri zat ka mausam badle
maharban ho ke na thaharo to phir yun thaharo
jaise pal bhar ko koi khvab-e-tamanna thahare
jaise daravesh-e-mada-nosh ke pyale mein kabhi
ek do pal ke liye talkhi-e-duniya thahare
thahar jao ke madarat maikhane se
chalte chalte koi ek-adh subu ho jaye
is se pahale ke koi lamha aainda ka tir
is tarah aaye ke pevast-e-gulu ho jaye

Yun saja chand k jhalaka tere andaz ka rang

11:31 best poetry, Faiz Ahmad Faiz, sad poetry, sms, sms ghazals, sms poetry No comments

Yun saja chand k jhalaka tere andaz ka rang
yun faza mahaki k badla mere hamaraz ka rang
saya-e-chashm mein hairan rukh-e-raushan ka jamal
surkhi-e-lab pe pareshan teri aavaz ka rang
bepiye hon ki agar lutf karo aakhir-e-shab
shisha-e-may mein dhale subah ke aagaz ka rang
chango-nay rang pe the apne lahu ke dam se
dil ne lay badali to madham hua har saz ka rang
ik sukhan aur ki phir rang-e-takallum tera
harf-e-sada ko inayat kare ejaz ka rang

Tumhari yaad ke jab zakhm bharne lagate hain

11:29 best poetry, Faiz Ahmad Faiz, romantic poetry, sad poetry, sms, sms ghazals, sms poetry No comments

Tumhari yaad ke jab zakhm bharne lagate hain
kisi bahane tumhen yaad karne lagate hain
hadis-e-yar ke unavan nikharane lagate hain
to har harim mein gesu sanvarane lagate hain
har ajanabi hamen maharam dikhai deta hai
jo ab bhi teri gali gali se guzarne lagate hain
saba se karte hain gurbat-nasib zikr-e-vatan
to chashm-e-subah mein aansu ubharne lagate hain
wo jab bhi karte hain is nutq-o-lab ke bakhiyagari
faza mein aur bhi naghmay bikharne lagate hain
dar-e-qafas pe andhere ke muhar lagti hai
to “faiz” dil mein sitare utarane lagate hain

Ye kis khalish ne phir is dil mein aashiyana kiya

11:27 best poetry, Faiz Ahmad Faiz, MIX, romantic poetry, sad poetry, sms, sms ghazals, sms poetry No comments

Ye kis khalish ne phir is dil mein aashiyana kiya
phir aj kis ne sukhan hum se gayebana kiya
gam-e-jahan ho, rukh-e-yar ho ke dast-e-udu
salook jis se kiya hum ne aashiqana kiya
the khak-e-rah bhi hum log qahar-e-tufan bhi
saha to kya na saha aur kiya to kya na kiya
khusha ke aj har ik muddai ke lab par hai
wo raz jis ne hamen rand-e-zamana kiya
wo hilagar jo vafaju bhi hai jafakhu bhi
kiya bhi “faiz” to kis but se dostana kiya

Ishq ki raah me mar jaane de

07:31 critism poetry, jamshaid, MIX, romantic poetry, sad poetry, sms, sms ghazals, sms poetry No comments

Ishq ki raah me mar jaane de

Kaam aasan hai,kar jaane de--

Ay hawa,apni nahi fikr mujhy

Inn parindon ko to ghar jaane de--

Abr e purnam,tujhe jaldi kia hai

Meri aankhen bhi to bhar jaane de--

Kese sunn paaun ga aawaz teri

dil ki dharkan to theher jaane de--

Haath matt rok hawa ka Jamshaid

Zulf chehre pe bikhar jaane de--

Suno aey mo'om ki gurryia..

07:26 best poetry, critism poetry, MIX, romantic poetry, sad poetry, sms, sms ghazals, sms poetry No comments

سنو!!! اے موم کی گُڑیا

،.اب اس دور کے اندر

،.کوئی مجنوں نہیں بنتا

،.کوئی رانجھا نہیں ہوتا

،.قدم دو ، چار چلنے سے

،.سفر سانجھا نہیں ہوتا

تو ان بے کار سوچوں پہ

سنو!!! رونے کا ڈر کیسا

جسے پایا نہیں تم نے

اُسے کھونے کا ڈر کیسا؟؟؟

Wo is college ki shehzadi thi or shahana parhti thi

07:25 MIX, sms, sms ghazals, sms poetry No comments

ﻭﮦ ﺍﺱ ﮐﺎﻟﺞ ﮐﯽ ﺷﮩﺰﺍﺩﯼ ﺗﮭﯽ ﺍﻭﺭ ﺷﺎﮨﺎﻧﮧ ﭘﮍﮬﺘﯽ ﺗﮭﯽ

ﻭﮦ ﺑﮯ ﺑﺎﮐﺎﻧﮧ ﺁﺗﯽ ﺗﮭﯽ ﻭﮦ ﺑﮯ ﺑﺎﮐﺎﻧﮧ ﭘﮍﮬﺘﯽ ﺗﮭﯽ

ﺑﮍﮮ ﻣﺸﮑﻞ ﺳﺒﻖ ﺗﮭﮯ ﺟﻦ ﮐﻮ ﻭﮦ ﺭﻭﺯﺍﻧﮧ ﭘﮍﮬﺘﯽ ﺗﮭﯽ

ﻭﮦ ﻟﮍﮐﯽ ﺗﮭﯽ ﻣﮕﺮ ﻣﻀﻤﻮﻥ ﺳﺐ ﻣﺮﺩﺍﻧﮧ ﭘﮍﮬﺘﯽ ﺗﮭﯽ