ghazal sms: Qateel shifai

Showing posts with label Qateel shifai. Show all posts

Wednesday, 7 January 2015

Husn Ki Jheel Ho Tum Aur Kinare Hain Ye Hont

05:40 complete ghazals, love poetry, MIX, Qateel shifai, romantic poetry, sms ghazals, sms poetry 2 comments

Husn Ki Jheel Ho Tum Aur Kinare Hain Ye Hont,

Sach To Ye Hai K Mujhe Jan Se Pyare Hain Ye Hont,

Mein Ne Har Bar Mohabbat Se Inhain Chooma Hai,

Us Ne Har Bar Mohabbat Se Ubhare Hain Ye Hont,

Hath Honton Pe Mere Rakh K Mujhe Kehne Lage,

Rokiye In Ko Bahut Shoq K Mare Hain Ye Hont,

Band Hote Hain Ye Inkar Ki Sorat Mein Magar,

Adh Khile Hon To Mohabbat K Ishare Hain Ye Hont,

Aaj Khud Apne Muqadar Pe Mujhe Rashk Aya,

Aj Honton Mein Mere Us Ne Utare Hain Ye Hont,

Choom Kar Hont Mere Us Ne Kaha Tha Ye Qateel

Bas Tumhare Hain Tumhare Hain, Tumhare Hain Ye Hont............!

Halaat K Qadmon Par Qalandar Nahi Girta

05:35 complete ghazals, dard poetry, MIX, Qateel shifai, sad poetry, sms ghazals, sms poetry 1 comment

Halaat K Qadmon Par Qalandar Nahi Girta,

Toote Jo Bhi Tara To Zameen Par nahi Girta,

Girte Hain Bare Shoq Se Samandar Mein Daria,

Lakin Kisi Daria Mein Samandar Nahi Girta,

Samjho Wahan Phaldar Shajar Koi Nahi Hai,

Wo Sehan K Jis Mein Koi Pathar Nahi Girta,

Hairan Hai Kai Roz Se Thehra Howa Pani,

Talaab Mein Ab Kion Koi Kankar Nahi Girta,

Is Banda-E-Khudar Pe Nabion Ka Hai Saya,

Jo Bhook Mein Bhi Luqma-E-Tar Par Nahi Girta,

Qaiam Hai Ab Ye Mere Sir K Saton Par qateel

Bhonchal Bhi Aaye To Mera Ghar Nahi Girta............

Jhoom K Jab Rindon Ne Pila Di

05:25 complete ghazals, critism poetry, love poetry, MIX, Qateel shifai, romantic poetry, sms, sms ghazals, sms poetry No comments

Jhoom K Jab Rindon Ne Pila Di,

Sheikh Ne Chupke Chupke Dua Di,

Ek Kami Thi Taaj Mahal Mein,

Hum Ne Teri Tasveer Laga Di,

Aap Ne Jhoota Wada Kar K,

Aaj Humari Umar Barha Di,

Teri Gali Mein Sajde Kar K,

Hum Ne Ibadat Gaah Bana Di,

Jhoom K Jab Rindon Ne Pila Di............!

Udas Sham Kisi Khawab Mein Dhali To Hai

05:22 dard poetry, MIX, Qateel shifai, romantic poetry, sad poetry, sms, sms ghazals, sms poetry No comments

Udas Sham Kisi Khawab Mein Dhali To Hai,

Yehi Bahut Hai K Taza Hawa Chali To Hai,

Jo Apni Shaq Se Bahar Abhi Nahi Aai,

Nai Bahar Ki Zameen Wohi Kali To Hai

Dhowan To Jhoot Nahi Bolta Kabhi Yaro,

Humare Shaher Mein Basti Koi Jali To Hai,

Kisi K Ishq Mein Hum Jan Se Gaye Lekin,

Humare Naam Se Rasm-e-Wafa Chali To Hai,

Hazar Band Hon Dair-O-Haram K Darwaze,

Mere Liye Mere Mehboob Ki Gali To Hai........................!

Tum Bin Jiya Jaye Kaise

05:21 complete ghazals, dard poetry, MIX, Qateel shifai, romantic poetry, sad poetry, sms ghazals, sms poetry 5 comments

Tum Bin Jiya Jaye Kaise,

Kaise Jiya Jaye Tum Bin,

Sadion Si Lambi Hain Ratain,

Sadion Se Lambe Howay Din,

Aa Jao Lout Kar Tum Ye Dil Keh Raha Hai,

Phir Sham-E-Tanhai Jagi,

Phir Yad Tum Aa Rahe Ho,

Phir Jan Nikalne Lagi Hai,

Phir Mujh Ko Tarpa Rahe Ho,

Is Dil Mein Yadon K Mele Hain,

Tum Bin Bahut Hum Akele Hain.

Kia Kia Na Socha Tha Main Ne,

Kia Kia Na Sapne Sajaye,

Kia Kia Na Chaha Tha Dil Ne,

Kia Kia Na Arman Jagaye,

Is Dil Se Toofan Guzarte Hain,

Tum Bin To Jeete Na Marte Hain,

Aa Jao Lout Kar Tum Ye Dil Keh Raha Hai,

Tum Bin Jiya Jaye Kaise,

Kaise Jiya Jaye Tum Bin..............!

Reply to Ibn e insha's Insha g utho ab kooch kro

05:18 dard poetry, Dosti shairy, ibn e insha, love poetry, MIX, Qateel shifai, romantic poetry, sad poetry, sms ghazals, sms poetry No comments

Ye Kis Ne Kaha Tum Kooch Karo Batein Na Banao Insha Jee,

Shehr Tumhara Apna Hai Isay Chor Na Jao Insha Jee,

Jitne Bhi Yahan K Baasi Hain Sab K Sab Tum Se Pyar Karein,

Kia In Se Bhi Moonh Phero Gay,?

Ye Zulam Na Dhao Insha Jee,

Kia Soch K Tum ney Sainchi Thi,

Ye Kaisi Kiyari Chahat Ki,

Jin Ko Hansane Aaye Thay,

Unko Na Rulao Insha Jee,

Laakh Siyahat K Ho Dhani,

Ek Bat Humari Maano,

Koi Ja K Jahan Se Aata Nahi,

Us Deis Na Jao Insha Jee,

Bikhairte Ho Sona Harfon Ka,

Tum Chandi Jaise Kaghazon Par,

Phir In Mein Apne Zakhmon Ka,

Mat Zehr Milao Insha Jee,

Rat To Kia Wo Hashar Talak Rakhe Gi Khula Darwaze Ko,

Kab Lout K Tum Ghar Aao Gay Sajni Ko Batao Insha Jee,

Nahi Sirf QATEEL Ki Bat Yahan Kahein SAHIR Hai Kahein Aali Hai,

Tum Apne Purane Yaron Daman Na Churao Insha Jee...............!

Is adaa sey bhi hoon me ashnaa

05:11 complete ghazals, dard poetry, Image Poetry, MIX, Qateel shifai, romantic poetry, sad poetry, sms ghazals, sms poetry No comments

Ye Mojza Bhi Mohabbat Kabhi Dikhaye Mujhe

05:08 complete ghazals, critism poetry, love poetry, MIX, Qateel shifai, romantic poetry, sad poetry, sms ghazals, sms poetry No comments

Ye Mojza Bhi Mohabbat Kabhi Dikhaye Mujhe,

K Sang Tujh Pe Gire Aur Zakham Aaye Mujhe,

Main Ghar Se Teri Tamana Pehn K Jab Niklon,

Barhna Shehr Mein Koi Nazar Na Aaye Mujhe,

Wohi To Sab Se Ziada Hai Nuqta Cheen Mera,

Jo Muskara K Humesha Gale Lagaye Mujhe,

Wo Mera Dost Hai Sare Jahan Ko Hai Maloom,

Dagha Kare Wo Kisi Se To Sharm Aaye Mujhe,

Main Apni Zaat Mein Neelaam Ho Raha Hoon Qateel

Gham-E-Hayat Se Keh Do Khareed Laye Mujhe...............!

Sar-E-Toor Ho Sar-E-Hashar Ho

05:06 complete ghazals, dard poetry, love poetry, MIX, Qateel shifai, romantic poetry, sad poetry, sms ghazals, sms poetry No comments

Sar-E-Toor Ho

Sar-E-Hashar Ho

Humain Intazar Qabool Hai

Wo Kabhi Milein,

Wo Kahein Milein,

Wo Kabhi Sahi,

Wo Kahein Sahi,

Mera Un Pe Jo Bas Nahi

To Na Sahi,

K Ye Aashqi Hai Hawas Nahi,

Main Unhi Ka Tha,

Unhi Ka Hon,

Wo Mere Nahi To Na Sahi,

Jo Ho Faisla Wo Sunaiye,

Isay Hashar Pe Na Uthaiye,

Jo Karein Gay Aap Sitam Wahan,

Wo Abhi Sahi,

Wo Yahein Sahi,

Usay Dekhne Ki Jo Lo Lagi,

To Dekh Hi Lein Gay QATEEL Hum,

Wo Hazar Aankh Se Door Hon,

Wo Hazar Parda Nasheen Sahi.............!

Kab Talak Shamma Jali Yaad Nahi

05:04 complete ghazals, critism poetry, dard poetry, love poetry, MIX, Qateel shifai, romantic poetry, sad poetry, sms ghazals, sms poetry No comments

Kab Talak Shamma Jali Yaad Nahi

Shaam-e-Gham Kaisay Dhali Yaad Nahi,

Is Qadar Yad Hai Apne Thay Sabhi,

Kis Ne Kia Chaal Chali Yad Nahi,

Hum Zamane Mein Kuch Aise Bhatke,

Ab To Un Ki Bhi Gali Yad Nahi,

Abar Tha Jaam Tha Par Aap Na Thay,

Wo Ghari Kaise Tali Yad Nahi,

Kat Gai Umar Kis Tarha Qateel,

Wo Buri Thi K Bhali Yad Nahi.............!

Hum tum ko na rokain ge bass aa ke chale jana

11:36 best poetry, MIX, Qateel shifai, romantic poetry, sad poetry, sms poetry, urdu poetry No comments

Be’chain umangon ko behlaa ke chale jana,
Hum tum ko na rokain ge bass aa ke chale jana,

Milne jo na aaye tum, thi kaun si majboori,
Jhoota koi afsaana, dohraa ke chale jana,

Jo aag lagi dil main, woh sard na ho jaye,
Bhujte huye sholo’n ko bharrkaa ke chale jana,

Ujrri nazar ati hai jazbaar ki haryaali,
Tum us pe koi baadal barsaa ke chale jana,

Furqat ki aziyaat mein, kuch sabar bhi laazim hai,
Yeh baat mere dil ko samjhaa ke chale jana,

Shayed ke behel jaye, deewana Qateel Is se,
Tum koi neya vaada farmaa ke chale jana..

Apney saarey dard bhula kar auron ke dukh sehta tha

09:02 best poetry, Habib jalib, MIX, Qateel shifai, sad poetry, sms, sms ghazals, sms poetry No comments

Apney saarey dard bhula kar auron ke dukh sehta tha
Hum jub ghazlain kehtey thay wo aksar jail main rehta tha
Aakhir kaar chala hee gya wo rooth kar hum farzanoun se
Wo deewana jisko zamana Jalib Jalib kehta tha
(Qateel Shifai)

Yeh mojza bhi muhabbat kabhi dikhaye mujhe

12:56 MIX, Qateel shifai, romantic poetry, sad poetry No comments

Yeh mojza bhi muhabbat kabhi dikhaye mujhe..
Kay sang tujh pe girain aur zakham aye mujhe..

Main ghar se teri tamanna jub pehan k niklun..
Barhana shehr main koe nazar na aye mujhe..

Wo mera dost hai saray jahan ko hai maloom..
Dagha karay wo kisi se to sharm aye mujhe..

Wo mehrbaan hai to iqraar kyu nahi kerta..
Wo bdguman hai to so bar azmaye mujhe..

Main apni zaat main neelam horaha hun QATEEL,
Gham-e-hayaat se keh do k kharid laye mujhe..

Yeh mojza bhi muhabbat kabhi dikhaye mujhe

11:59 Qateel shifai No comments

Jaanay Kis Dais Gaye Pyaar Nibhaanay Waalay

11:58 Qateel shifai No comments

Lamha Bhar Apna Hawaon Ko Bananay Waalay
Ab Na Aayein Ge Palat Kar Kubhi Jaanay Waalay

Kia Milay Ga Tujhe Bikhray Howay Khwaabon Ke Siwa ?
Ay Rait Pe Chaand Ki Tasveer Banaanay Waalay

Sab Ne Pehna Tha Barryay Shoq Se Kaghaz Ka Libaas
Jis Qadar Loog Thay Baarish Mein Nahaanay Waalay

Mar Gaye Hum Tou Ye Qutbay Pe Likha Jaye Ga
So Gaye Aap Zamaanay Ko Jagaanay Waalay

Dar-o-Deewaar Pe Hasrat Si Barasti Hai “Qateel”
Jaanay Kis Dais Gaye Pyaar Nibhaanay Waalay ?

Hum tum ko na rokain ge bass aa ke chale jana

11:57 Qateel shifai No comments

Qateel shifai

05:02 Qateel shifai No comments

pyaas vo dil kii bujhaane kabhii aayaa bhii nahii.n
kaisaa baadal hai jisakaa ko_ii saayaa bhii nahii.n

beruKhii is se ba.Dii aur bhalaa kyaa hogii
ek muddat se hame.n us ne sataayaa bhii nahii.n

roz aataa hai dar-e-dil pe vo dastak dene
aaj tak hamane jise paas bulaayaa bhii nahii.n

sun liyaa kaise Khudaa jaane zamaane bhar ne
vo fasaanaa jo kabhii hamane sunaayaa bhii nahii.n

tum to shaayar ho 'Qateel' aur vo ik aam saa shaKhs
us ne chaahaa bhii tujhe aur jataayaa bhii nahii.n