Husn Ki Jheel Ho Tum Aur Kinare Hain Ye Hont

Husn Ki Jheel Ho Tum Aur Kinare Hain Ye Hont,

Sach To Ye Hai K Mujhe Jan Se Pyare Hain Ye Hont,

Mein Ne Har Bar Mohabbat Se Inhain Chooma Hai,

Us Ne Har Bar Mohabbat Se Ubhare Hain Ye Hont,

Hath Honton Pe Mere Rakh K Mujhe Kehne Lage,

Rokiye In Ko Bahut Shoq K Mare Hain Ye Hont,

Band Hote Hain Ye Inkar Ki Sorat Mein Magar,

Adh Khile Hon To Mohabbat K Ishare Hain Ye Hont,

Aaj Khud Apne Muqadar Pe Mujhe Rashk Aya,

Aj Honton Mein Mere Us Ne Utare Hain Ye Hont,

Choom Kar Hont Mere Us Ne Kaha Tha Ye Qateel

Bas Tumhare Hain Tumhare Hain, Tumhare Hain Ye Hont............!