tum mere paas rahoo -

tum mere paas rahoo --

mere qatil, mere dildaar, mere paas rahoo
jis ghad.ree raat chaley
aasmanooN ka lahoo pi ke siyah raat chaley
marham-e-mushk liye, nishtar-e-almaas liye
bain kartee hoi, hanstee hoi gatee nikley
dard ke kasnee pazaib bajatee nikley
jis ghad.ree seenooN maiN doobey hoey dil
aasteenooN maiN nihaaN hathooN ki
raah takney lagaiN
aas liye
aur bachooN ke bilakney ki tarah qulqul may
behr-e-nasoodgee machley to manaey na maney
jab koi baat banaey na baney
jab koi baat chaley
jis ghad.ree raat chaley
jis ghad.ree maatami, sunsaan, siyaah raat chaley
tum mere paas rahoo
mere qatil, mere dildaar mere paas rahoo
paas rahoo