Showing posts with label love poetry. Show all posts
Showing posts with label love poetry. Show all posts
Wednesday, 7 January 2015
Jhoom K Jab Rindon Ne Pila Di
Jhoom K Jab Rindon Ne Pila Di,
Sheikh Ne Chupke Chupke Dua Di,
Ek Kami Thi Taaj Mahal Mein,
Hum Ne Teri Tasveer Laga Di,
Aap Ne Jhoota Wada Kar K,
Aaj Humari Umar Barha Di,
Teri Gali Mein Sajde Kar K,
Hum Ne Ibadat Gaah Bana Di,
Jhoom K Jab Rindon Ne Pila Di............!
Reply to Ibn e insha's Insha g utho ab kooch kro
Ye Kis Ne Kaha Tum Kooch Karo Batein Na Banao Insha Jee,
Shehr Tumhara Apna Hai Isay Chor Na Jao Insha Jee,
Jitne Bhi Yahan K Baasi Hain Sab K Sab Tum Se Pyar Karein,
Kia In Se Bhi Moonh Phero Gay,?
Ye Zulam Na Dhao Insha Jee,
Kia Soch K Tum ney Sainchi Thi,
Ye Kaisi Kiyari Chahat Ki,
Jin Ko Hansane Aaye Thay,
Unko Na Rulao Insha Jee,
Laakh Siyahat K Ho Dhani,
Ek Bat Humari Maano,
Koi Ja K Jahan Se Aata Nahi,
Us Deis Na Jao Insha Jee,
Bikhairte Ho Sona Harfon Ka,
Tum Chandi Jaise Kaghazon Par,
Phir In Mein Apne Zakhmon Ka,
Mat Zehr Milao Insha Jee,
Rat To Kia Wo Hashar Talak Rakhe Gi Khula Darwaze Ko,
Kab Lout K Tum Ghar Aao Gay Sajni Ko Batao Insha Jee,
Nahi Sirf QATEEL Ki Bat Yahan Kahein SAHIR Hai Kahein Aali Hai,
Tum Apne Purane Yaron Daman Na Churao Insha Jee...............!
Ye Mojza Bhi Mohabbat Kabhi Dikhaye Mujhe
Ye Mojza Bhi Mohabbat Kabhi Dikhaye Mujhe,
K Sang Tujh Pe Gire Aur Zakham Aaye Mujhe,
Main Ghar Se Teri Tamana Pehn K Jab Niklon,
Barhna Shehr Mein Koi Nazar Na Aaye Mujhe,
Wohi To Sab Se Ziada Hai Nuqta Cheen Mera,
Jo Muskara K Humesha Gale Lagaye Mujhe,
Wo Mera Dost Hai Sare Jahan Ko Hai Maloom,
Dagha Kare Wo Kisi Se To Sharm Aaye Mujhe,
Main Apni Zaat Mein Neelaam Ho Raha Hoon Qateel
Gham-E-Hayat Se Keh Do Khareed Laye Mujhe...............!
Sar-E-Toor Ho Sar-E-Hashar Ho
Sar-E-Toor Ho
Sar-E-Hashar Ho
Humain Intazar Qabool Hai
Wo Kabhi Milein,
Wo Kahein Milein,
Wo Kabhi Sahi,
Wo Kahein Sahi,
Mera Un Pe Jo Bas Nahi
To Na Sahi,
K Ye Aashqi Hai Hawas Nahi,
Main Unhi Ka Tha,
Unhi Ka Hon,
Wo Mere Nahi To Na Sahi,
Jo Ho Faisla Wo Sunaiye,
Isay Hashar Pe Na Uthaiye,
Jo Karein Gay Aap Sitam Wahan,
Wo Abhi Sahi,
Wo Yahein Sahi,
Usay Dekhne Ki Jo Lo Lagi,
To Dekh Hi Lein Gay QATEEL Hum,
Wo Hazar Aankh Se Door Hon,
Wo Hazar Parda Nasheen Sahi.............!
Kab Talak Shamma Jali Yaad Nahi
Kab Talak Shamma Jali Yaad Nahi
Shaam-e-Gham Kaisay Dhali Yaad Nahi,
Is Qadar Yad Hai Apne Thay Sabhi,
Kis Ne Kia Chaal Chali Yad Nahi,
Hum Zamane Mein Kuch Aise Bhatke,
Ab To Un Ki Bhi Gali Yad Nahi,
Abar Tha Jaam Tha Par Aap Na Thay,
Wo Ghari Kaise Tali Yad Nahi,
Kat Gai Umar Kis Tarha Qateel,
Wo Buri Thi K Bhali Yad Nahi.............!
Tuesday, 6 January 2015
Khawabon Ki Ek Basti Thi
Khawabon Ki Ek Basti Thi
Ek Larki Us Mein Basti Thi
Apne Ghar K Aangan Mein
Kuch Sapne Boya Karti Thi
Apne Kamre Ki Khirki Mein,
Boondon Se Khela Karti Thi,
Sab K Samne Hansti Thi,
Chup Chup K Roya Kati Thi,
Khud Se Kurhti Rehti Thi,
Sakhion Se Kuch Na Kehti Thi,
Chand Ko Ghanton Ghoorte Rehna,
Phir Khud Se Baten Karti Thi,
Dekhne wali Sab Aankhon Ko,
Kaanch Ki Guria Lagti Thi,
Toot Chuki To Sab Ne Jana,
Pyar Wo Kisi Se Karti Thi................!
Kuliat-E-Insha
Tamam Log Akele Thay Rahbar Hi Na Tha
Tamam Log Akele Thay Rahbar Hi Na Tha,
Bichrne Walon Mein Ek Mera Hum Safar Hi Na Tha,
Barhana Shakhon Ka Jangal Garra Tha Aankhon Mein,
Wo Rat Thi K Kahein Chand Ka Guzar Hi Na Tha,
Tumhare Shehr Ki Chaon Mehrbaan Thi Magar,
Jahan Pe Dhoop Karri Thi Wahan Shajar Hi Na Tha,
Samet Leti Shikasta Gulab Ki Khushbo,
Hawa K Hath Mein Aisa Koi Hunar Hi Na Tha,
Main Itne Sanpon Ko Raste Mein Dekh Aai Thi
K Tere Shehr Mein Pohnchi To Koi Dar Hi Na Tha,
Kahan Se Aati Kiran Zindagi K Zindaan Mein,
Badan Mein Phail Gia Surkh Beil Ki Manid,
Wo Zakham Sookhta Kia Jis Ka Chara Gar Hi Na Tha
Hawa K Laye Howay Beej Phir Hawa Ko Gaye,
Khile Thay Phool Kuch Aise K Jin Mein Zar Rahi Na Tha,
Qadam To Reit Pe Sahil Ne Bhi Na Rakhne Dia,
Badan Ko Jakre Howay Sirf Ek Bhanwar Hi Na Tha....!
Qadmon Mein Thakan Thi Ghar Bhi Qareeb Tha,
Qadmo Mein Thakan Thi Ghar Bhi Qareeb Tha,
Par Kia Karein K Ab K Safar Hi Ajeeb Tha,
Nikle Agar To Chand Dareeche Mein Ruk Bhi Jaye,
Is Shehr-E-Be Chargh Mein Kis Ka Naseeb Tha,
Aandhi Ne Un Rutton Ko Bhi Be Taaj Kar Dia,
Jin Ka Kabhi Huma Sa Parinda Naseeb Tha,
Kuch Apne Aap Se Hi Usay Kashmakash Na Thi,
Mujh Mein Koi Shakhs Usi Ka RaqEEb Tha,
Pocha Kisi Ne Mool To Hairan Reh Gia,
Apni Nigah Mein Koi Kitna Ghareeb Tha,
Maqtal Se Aane Wali Hawa Ko Bhi Kab Mila,
Aisa Koi Dareecha K Jo Be Suleeb Tha..................!
Qaid Mein Guzre Gi Jo Umar Bare Kaam Ki Thi
Qaid Mein Guzre Gi Jo Umar Bare Kaam Ki Thi,
Par Main Kia Karti K Zanjeer Tere Naam Ki Thi,
Jis K Maathe Pe Mere Bakht Ka Tara Chamka,
Chand K Doobne Ki Bat Usi Shaam Ki Thi,
Main Ne Hathon Ko Hi Patwar Banaya Warna,
Aik Tooti Hoi Kashti Mere Kis Kaam Ki Thi,
Wo Kahani K Abhi Soiyan Nikli Bhi Na Thein,
Fikar Har Shakhs Ko Shazadi K Anjam Ki Thi,
Ye Hawa Kaise Urra Le Gai Aanchal Mera,
Youn Satane K To Aadat Mere Ghansham Ki Thi,
Bojh Uthaye Howay Phirti Hai Humara Ab Tak,
Aye Zameen Maaan!
Teri Ye Umar To Aaram Ki Thi..........!
Shab main thin to wo bhi saba misaal hi tha
Sahab Mein Thi To Wo Bhi Saba Misal Hi Tha,
Kisi K Waste Rukna Zara Mohal Hi Tha,
Hazar Aaine Jis Jahon Rokish-E-Khursheed,
Nigah Bhar K Usay Dekhna Kamal Hi Tha,
Ye Kia K Hilne Lage Qasar-O-Kakh Parvezi,
Gada-E-Ishq K Kaise Mein Ek Sawal Hi Tha,
Bichar K Wo Mujhe Louta Gia Hai Mera Wajood,
Ye Saneha Mere Haq Mein To Nek Faal Hi Tha,
Parinda Apni Raza Se Zameen Par Utra,
Wagarna Aisi Hawa Thi Na Aisa Jaal Hi Tha,
Haraa Rakha Mujhe Jis Ne Ba Wasaf-E-Chara Garan,
Wo Mojza Mera Nidooh-E-Anadmal Hi Tha................!
Kabhi kitabon me phool rakhna kabhi darkhton pey naam likhna
ﮐﺒﮭﯽ ﮐﺘﺎﺑﻮﮞ ﻣﯿﮟ ﭘﮭﻮﻝ ﺭﮐﮭﻨﺎ
ﮐﺒﮭﯽ ﺩﺭﺧﺘﻮﮞ ﭘﮧ ﻧﺎﻡ ﻟﮑﮭﻨﺎ
ﮨﻤﯿﮟ ﺑﮭﯽ ﮨﮯ ﯾﺎﺩ ﺁﺝ ﺗﮏ ﻭﮦ
ﻧﻈﺮ ﺳﮯ ﺣﺮﻑ ﺳﻼﻡ ﻟﮑﮭﻨﺎ
ﻭﮦ ﭼﺎﻧﺪ ﭼﮩﺮﮮ ﻭﮦ ﺑﮩﮑﯽ ﺑﺎﺗﯿﮟ
ﺳﻠﮕﺘﮯ ﺩﻥ ﺗﮭﮯ ﻣﮩﮑﺘﯽ ﺭﺍﺗﯿﮟ
ﻭﮦ ﭼﮭﻮﭨﮯ ﭼﮭﻮﭨﮯ ﺳﮯ ﮐﺎﻏﺬﻭﮞ ﭘﺮ
ﻣﺤﺒﺘﻮﮞ ﮐﮯ ﭘﯿﺎﻡ ﻟﮑﮭﻨﺎ
ﻣﺮﮮ ﻧﮕﺮ ﮐﯽ ﺣﺴﯿﮟ ﻓﻀﺎﺅ
ﮐﮩﯿﮟ ﺟﻮ ﺍﻥ ﮐﺎ ﻧﺸﺎﻥ ﭘﺎﺅ
ﺗﻮ ﭘﻮﭼﮭﻨﺎ ﯾﮧ ﮐﮩﺎﮞ ﺑﺴﮯ ﮨﻮ
ﮐﮩﺎﮞ ﮨﮯ ﺍﻥ ﮐﺎ ﻗﯿﺎﻡ ﻟﮑﮭﻨﺎ
ﮐﮭﻠﯽ ﻓﻀﺎﺅﮞ ﻣﯿﮟ ﺳﺎﻧﺲ ﻟﯿﻨﺎ
ﻋﺒﺚ ﮨﮯ ﺍﺏ ﺗﻮ ﮔﮭﭩﻦ ﮨﮯ ﺍﯾﺴﯽ
ﮐﮧ ﭼﺎﺭﻭﮞ ﺟﺎﻧﺐ ﺷﺠﺮ ﮐﮭﮍﮮ ﮨﯿﮟ
ﺻﻠﯿﺐ ﺻﻮﺭﺕ ﺗﻤﺎﻡ ﻟﮑﮭﻨﺎ
ﮔﺌﯽ ﺭﺗﻮﮞ ﻣﯿﮟ ﺣﺴﻦ ﮨﻤﺎﺭﺍ
ﺑﺲ ﺍﯾﮏ ﮨﯽ ﺗﻮ ﯾﮧ ﻣﺸﻐﻠﮧ ﺗﮭﺎ
ﮐﺴﯽ ﮐﮯ ﭼﮩﺮﮮ ﮐﻮ ﺻﺒﺢ ﮐﮩﻨﺎ
ﮐﺴﯽ ﮐﯽ ﺯﻟﻔﻮﮞ ﮐﻮ ﺷﺎﻡ ﻟﮑﮭﻨﺎ
Subscribe to:
Posts (Atom)
