Shauq ka rang bujh gaya, yaad ke zakhm bhar gaye

Shauq ka rang bujh gaya, yaad ke zakhm bhar gaye
Kya meri fasl hochuki, kya mere din guzar gaye?

Hum bhi hijab dar hijab chhup na sake, magar rahe
Woh bhi hujoom dar hujoom rah na sake, magar gaye

Rahguzar E khyal meN dosh ba dosh the jo log
Waqt ki gard O baad meN jane kahaN bikhar gaye

Sham hai kitni be tapaak, shahr hai kitna sahmnaak
Hum nafaso kahaaN ho tum, jane ye sab kidhar gaye

Aaj ki raat hai ajeeb, koi nahi mere qareeb
Aaj sab apne ghar rahe, aaj sab apne ghar gaye

Hifz E hyaat ka khyal hum ko bahut bura laga
Pas ba hujuum E ma’rekaa, jaan k be sipar gaye

MaiN to safoN k darmiyaaN, kab se paRa hun nim-jaaN
Mere tamaam jaaN-nisaar mere liye to mar gaye

Rounaq E bazm E zindagi, turfaa haiN tere log bhi
Ek to kabhi na aaye the, aaye to rooth kar gaye

Khush nafasaan E be nava, be khabaraan E khush ada
Teerah naseeb the magar shahr meN naam kar gaye

Aap meN ‘Joan Alia’ sochiye ab dharaa hai kya
Aap bhi ab sidhaariye, aap k chaara gar gaye

Read More

Kub Os Ka Visaal Chahye Tha

Kub Os Ka Visaal Chahye Tha ?????
Bas Ik Khayaal Chahye Tha…………..
Kub Dil Ko Jawab Se Garz Thee ???
Honton Ko Sawaal Chahye Tha…….
Ek Chehra Saada Tha Jo Ham Ko….
Be Masl-o-Misaal Chahye Tha……..
Ik Qarb Mein Zaat-o-Zindagi Hain..
Mumkin Ko Muhaal Chahye Tha…..
Mein Kia Hun Bas Ik Malaal-e-Maazi
Os Shaks Ko Haal Chahye Tha…………
Hum Tum Jo Bichar Gaye Hain Hum Ko
Kuch Din Tou Malaal Chahye Tha………!

Read More

Dil Tha Darham Aur Barham Raaigaan

Dil Tha Darham Aur Barham Raaigaan
Thay Tumhaari Zulf Ke Kham Raaigaan
Apni Saari Aarzooain Theen Faraib
Apnay Khwaabon Ka Tha Aalam Raaigaan
“Jhon” Shayad Kuch Nahee Kuch Bhi Nahee
Hai Dawaam Ik Weham Aur Dam Raaigaan
Zindagi Bas Raaigaani Hee Tou Hai
Mein Bohat Khush Hun Ke Thay Ham Raaigaan
Ham Rasaa Aur Naarsaa Kuch Bhee Nahee Thay
Yaani “Jhon” Aur Fahiya Kuch Bhee Na Thay

Read More

Nazar heraan, dil veeran, mera jee nahin lagta

Nazar heraan, dil veeran, mera jee nahin lagta,
Bichar ke tum se meri jaan, mera jee nahin lagta,
Koi bhi to nahin hai jo, pukare raah main mujh ko,
Hoon mein be-naam ik insaan, mera jee nahin lagta,
Hai aik inbwa qadmon ka rawaa’n in shahrahon per,
Nahin meri koi pehchaan, mera jee nahin lagta,
Jahan milte they hum tum aur jahan mil kar bicharte they,
Na woh dar hai, na woh dalaa’n, mera jee nahin lagta,
Hon pehchane huye chehre to jee ko aas rehti hai,
Hon chehre hijar ke anjaan, mera jee nahin lagta,
Yeh saara sheher ik dasht-e-hajoom be-niazi hai,
Yahan ka shor hai veeraan, mera jee nahin lagta,
Woh aalam hai ke jese mein koi hum’naam hoon apna,
Na hir’maan hai na woh darmaan, mera jee nahin lagta,
Kahin sar hai kahin sauda, kahin wehshat kahin sehra,
Kahin main hoon, kahin samaan, mera jee nahin lagta,
Mere hi sheher mein, mere mohahalley mein, mere ghar mein,
Bula lo tum mehmaan, mera jee nahin lagta
Main tum ko bhool jaon, bhoolne ka dukh na bhoolon ga,
Nahin hai khail yeh asaaan, mera jee nahin lagta,
Koi paimaa’n pura ho nahin sakta magar phir bhi,
Karo taaza koi paimaa’n, mera jee nahin lagta,
Kuch aesa hai ke jese mein yahan hoon aik zindgani,
Hain saare log zindaa’n baan’n, mera jee nahin lagta..

Read More

Zakham-e Umeed Bhar Gaya Kab Ka,

Zakham-e Umeed Bhar Gaya Kab Ka,
Qais Tou Apne Ghar Gaya Kab Ka.
Ab Tou Mu Apna Mat Dikhaao Mujhe,
Naa-siho Main Sudhar Gaya Kab Ka.
Aap Ab Poochne Ko Aaye Hain,
Dil Meri Jaan Mar Gaya Kab Ka.
Aap Ik Aur Neend Le Lijiye,
Kaafila Kooch Kar Gaya Kab Ka.
Mera Fehrist Se Nikaal Do Naam,
Main Tou Khud Se Mukar Gaya Kab Ka.

Read More

Nashaa-e-Naaz Ne Be-Haal Kia Hai Tum Ko

Nashaa-e-Naaz Ne Be-Haal Kia Hai Tum Ko
Apne Hee Zor Mein Kamzor Hoi Jaati Ho
Mein Koi Aag Nahee, Aach Nahee, Dhoop Nahee
Kiun Paseenay Mein Sharaabor Hoi Jaati Ho ?

Read More

Tujh se gilay karoon tujhe janaa’n manaaon main

Tujh se gilay karoon tujhe janaa’n manaaon main,
Ik bar apne aap mein aaon to aaon main,
Dil se sitam ki be’saro kaari hawaa ko hai,
Woh gard urraa rahi hai ke khud ko ganwaaon main,
Naadim hoon woh ke jis pe nadaamat bhi ab nahin,
Woh kaam hain ke apni judai kamaaon main,
Kyon’kar ho apne khawab ki aankhon mein wapsi,
Kis taur apne dil ke zamamon mein jaaon main,
Ik rang si kamaa’n ho khushbu sa ik teer,
Marham si ik wardaat ho aur zakham khaon main,
Shikwa sa aik dareecha ho, nasha sa ik sakoot,
Ho shaam aik sharab si aur larr’khraon main,
Phir is gali se apna guzar chahta hai dil,
Ab is gali ko kaunsi basti se laaon main..

Read More

Yeh kaafi hai ke hum dushman nahin hain

Yeh kaafi hai ke hum dushman nahin hain,
Wafaadari ka daava kyon karain hum..

Read More

Kaisa dil aur uske kya gham jee

Kaisa dil aur uske kya gham jee,
Yu’n hee baatain banaatey hain, hum jee,
Kya bhalaa aasteen aur daaman,
Kab se palkein bhi ab nahi nam jee,
Ussey ab koi baat kya kerna,
Khud se bhi baat kije kam-kam jee,
Dil jo dil kya tha, ek mehfil tha,
Ab hai darham jee aur barham jee,
Baat be-tour ho gayi shayad,
Zakhm bhi ab nahi hai, marham jee,
Haar duniya se maan le shayad,
Dil, hamaare mein ab nahi, dam jee,
Hai yeh hasrat ke zibah ho jaun,
Hai shikan is shikam ki zaalam jee,
Kaise aakhir na rang khele’n hum,
Dil lahoo ho raha hai, jaanam jee,
Hai kharaaba yeh husniya apna,
Roz majlis hai aur maatam jee,
Waqt dam bhar ka khel hai usme,
Besh az besh hai, kam az kam jee,
Hai azal se abad talak ka hisaab,
Aur bus ek pal hai peham jee,
Be-shikan ho gayi hai woh zulfein,
Is gali mein nahi rahe kham jee,
Dasht-e-dil ka ghazaal hee na raha,
Ab bhalaa kis se kijiye ram jee…

Read More

Kon is ghar ki dekh bhaal kare

Kon is ghar ki dekh bhaal kare,
Roz ik cheez toot jaati hai..

Read More

Yeh mujhe chain kyun nahin parrta,

Yeh mujhe chain kyun nahin parrta,
Aik hi shakhss tha jahan mein kya ?

Read More

be dili kya yu'n hi din guzar jayn gy

be dili kya yu'n hi din guzar jayn gy.
sirf zinda rhy hm to mar jayn gy.

Read More

Yaro'n kuch to zikar karo tum uski qayamat banho ka

Yaro'n kuch to zikar karo tum uski qayamat banho ka..
Wo jo unmein simatty honge, wo to mar jate honge..

Read More

Nafas thithrey huay hain shola haye lab k mausim mein

Nafas thithrey huay hain shola haye lab k mausim mein. . . .
mujhay sardi ziadah he lagey gi ab k mausim mein......

Read More

Kia bata'on k mar nahi paataa

Kia bata'on k mar nahi paataa...
Jeety ji jb sy mar gaya hn mein...

Read More

apny ma'yaar tak na puhancha mein

apny ma'yaar tak na puhancha mein...
Mujh ko khud per bara bharosa tha..

Read More

Mujh Ko Begaana Kar Gaye Mere Din

Mujh Ko Begaana Kar Gaye Mere Din
Mujh Se Ho Kar Guzar Gaye Mere Din

Ab Na Koi Din Mere Ghar Jaye Ga
Jaanay Kis Ke Ghar Gaye Mere Din

Ab Nahi Hain Mere Koi Din Raat
Ke Mujh Hee Ko Basar Gaye Mere Din

Saari Raatain Gayin Meri Be-Haal
Mere Din ! Be-Asar Gaye Mere Din

Khosha Ab Intezaar Hai Na Umeed
Yaar Yaaran ! Sudhar Gaye Ab Din

Ab Mein Bas Reh Gaya Hun Raaton Mein
Mar Gaye “Jhon” ! Mar Gaye Mere Din

Read More

Nazar heraan, dil veeran, mera jee nahin lagta

Nazar heraan, dil veeran, mera jee nahin lagta,
Bichar ke tum se meri jaan, mera jee nahin lagta,

Koi bhi to nahin hai jo, pukare raah main mujh ko,
Hoon mein be-naam ik insaan, mera jee nahin lagta,

Hai aik inbwa qadmon ka rawaa’n in shahrahon per,
Nahin meri koi pehchaan, mera jee nahin lagta,

Jahan milte they hum tum aur jahan mil kar bicharte they,
Na woh dar hai, na woh dalaa’n, mera jee nahin lagta,

Hon pehchane huye chehre to jee ko aas rehti hai,
Hon chehre hijar ke anjaan, mera jee nahin lagta,

Yeh saara sheher ik dasht-e-hajoom be-niazi hai,
Yahan ka shor hai veeraan, mera jee nahin lagta,

Woh aalam hai ke jese mein koi hum’naam hoon apna,
Na hir’maan hai na woh darmaan, mera jee nahin lagta,

Kahin sar hai kahin sauda, kahin wehshat kahin sehra,
Kahin main hoon, kahin samaan, mera jee nahin lagta,

Mere hi sheher mein, mere mohahalley mein, mere ghar mein,
Bula lo tum mehmaan, mera jee nahin lagta

Main tum ko bhool jaon, bhoolne ka dukh na bhoolon ga,
Nahin hai khail yeh asaaan, mera jee nahin lagta,

Koi paimaa’n pura ho nahin sakta magar phir bhi,
Karo taaza koi paimaa’n, mera jee nahin lagta,

Kuch aesa hai ke jese mein yahan hoon aik zindgani,
Hain saare log zindaa’n baan’n, mera jee nahin lagta..

Read More

Dil Jo Hai Aag Laga Doon Os Ko

Dil Jo Hai Aag Laga Doon Os Ko,
Aur Phir Khud Hee Hawa Doon Os Ko,

Jo Bhee Hai Os Ko Ganwa Betha Hai,
Mein Bhala Kaisay Ganwa Doon Os Ko ?

Tujh Gumaan Per Jo Emaarat Ki Thi,
Sochta Hoon K Mein Dhaa Doon Os Ko

Jism Mein Aag Laga Doon Os Ke,
Aur Phir Khud Hee Bujha Doon Os Ko,

Hijr Ki Nazar Tou Deni Hai Osay,
Sochta Hoon Ke Bhulaa Doon Os Ko,

Jo Nahee Hai Meray Dil Ki Dunya,
Kyun Na Mein ‘Jhon’ Mita Doon Os Ko ?

Read More